دفاتر قديمه ..

اجنده .. كراسه .. كشكول ..

اى حاجه الواحد يخررج فيها همه وخلاص ..

اول حاجه بفتكرها وانا متضايقه تعبانه مخنوقه .. اجندتى ..

حااجه حلوه اوى .. بجد برتاح لما بكتب خصوصا انى بتكلم من غير اى قيود .. اقول اللى عيزاه ..

ووحشه اوى .. كتير بيبقى نفسى ترد عليا وانا محتاره .. بس مبتنطقـــــــــش

جميله فـ استرجاع زكريات حلوه بتتكتب فيها ..

وصعبه فـ استرجاع زكريات مؤلمه شيلاها جواها ..

خصوصا لو حد متعود على الكتابه من زمان ..

وفـ مره تمسك الاجنده بتاعتك .. وتجيبها من اولها .. ترجع سنييييييين ورا فاتت ..

كانى بالظبط برجع بالزمن لعالم تانى .. شويه واضحك وشويه اعيط ..

بس غالبا بعيط .. ونادرا لما بضحك .. لانى للاسف مش بقعد مع الاجنده الا وانا متضايقه بس

شافت منى ايام سوده .. عمرى ما فرحتها ..

حاجات كتير كنت بكتبها وانا متضايقه اوى .. بس لما بقراها ناو بضحك عليها اوى .. او بضحك على نفسى وقتها ..

وحاجات .. نفسى تتلغى من دماغى وتفكيرى قبل ما تتلغى من الاجنده ..

وحاجات .. ياما بتقطع ورق وترميه .. تحرقه .. عشان تنسى ومتفتكرش .. وتفضل فـ عقلك متروحش .. !!

ايام تتمنى ترجع .. وايام يارب ما ترجع ..

ناس كنت كاتبه عنهم صفحات .. ناس بحبهم اوى .. كنت ببقى حاسه انى لازم يبقوا موجودين فى صفحات الاجنده ..

وناس ليهمــــ اجنداااات .. منهم اللى راح ومنهم اللى لسه مجااااش !!!

زكريااااااااات .. فرحه وحزن وتعب وجنان وشقاوه وامل .. حب .. ومفيش حاجه بتفضل على حالها ..

كتير تكتب كلام وتقطعه .. عشان مترجعش تقراه وتتعب ..

وييجى يوم تقرر تعذذب نفسك .. لما تقرر متشطبش ولا كلمه من الاجنده ..

مستنيه يوم هييجى واقرر احرق كل الورق .. وانسى .. واعيش حياه مختلفه ..

مع اجنده جديده .. كلها فرحه وامل وحب وحياه هاديه ..

انا مش عارفه اانا بقول ايه اصلا

بس يمكن عشان لسه فاتحه من شويه دفاتر قديمه ..

وافتكرت حاجات كتيره واحاسيس كتير عشتها فـ اوقات مختلقه ..

افتكرت ناس كانوا عندى غاليين ..

روحت لعالم تانـى ..




.................................................

جربت تكتب نوتس او (مزكرات) .. ؟!

بقالك كام سنه .. ؟!

دايما بترجعلها ولا وانت متضايق بس ؟؟

امتى قررت تقطع ورق من اجندتك اوتحرقه .. ؟؟

امتى هتبطل تكلم اجنده ؟؟؟




جربت تكتب نوتس او (مزكرات) .. ؟!

اه جربت وبكتب فعلا

بقالك كام سنه .. ؟!

من 2007 اخر يوم في امتحانات الثانوي

دايما بترجعلها ولا وانت متضايق بس ؟؟

كنت متعوده اكتب كل يوم ،وكنت بكتب كل حاجه حتى انا اكلت ايه ولبست ايه وانا نازله وصحيت الساعه كام
بس دلوقتي مابقتش برجعلها غير و انا متضايقه اوي او وانا مبسوطه اوي

امتى قررت تقطع ورق من اجندتك اوتحرقه .. ؟؟

لأ عمري لسه ماوصلتش للمرحله دي

امتى هتبطل تكلم اجنده ؟؟؟

لما الاقي ان اللي هكتبه فيها ممكن يضايقني لو قريته تاني
ساعتها هبطل اكلمها
موضوع جميل وكلامك حلو اوي سعات كان بيحصل معايا