بسم الله الرحمن الرحيم
هو انا مفروض هكتب عن كذا حاجه فى بعض وكنت هعمل لكل واحد موضوع بس مش ينفع علشان القوانين فعمل خودعه كده صغيره وهكتب كذا موضوع فى موضوع واحد
بغيظ جنى اه
ركزوا بقى
النهارده الحقيقه يوم من الايام الغريبه العجيبه جدااااااااااااا لدرجه فظيعه فظاعه الدنيا
اولا صحيت على كوابيس وكابوس منهم كنت حلمت بيه قبل كده وبصى حاسه بوجع فى جسمى كله وفى عينى وجع فظيع
كنت ممكن اتشائم من الاول اليوم واقول خلاص بقى اقعد فى بيتنا يا بت يا بسنت احسن بس قررت انى اتحدى الكوابيس واصحى واظبط يومى
_________________________________________________________________________________
ثانيا بقى النهارده قابلت ساره مصطفى انا وساره يمكن مش اصدقاء نهائى يعنى ينفع يطلق علينا معرفه او بينا صديق مشترك ومكلمناش غير مرتين تقريبا على الميل ولا يتعدوا الربع ساعه
اتبسطت انى شوفتها واكتشفت انها قدى لا وكمان فى نفس جامعتى يعنى عيب اننا مش نعرف بعض
بنوته محترمه وعثوله انا استمتعت بالوقت جدااااااا معاها
وكنت عايزه اكمل بقيت التوهان الفظيع اللى توهناه فى شوارع القاهره بسببى بس علشان اكمل معاها الطريق واقعد معاها وقت اطول
______________________________________________________________________________________
نضال بقى ... نضال برضه معرفتى بيها زى معرفه ساره بالظبط معرفهاش وعمرى ما شوفتها ولا بنتكلم على الميل
وفرحت جداااااااا انى شوفتها وزورتها لانها الحقيقه تستحق ان الناس تقدرها وتحترمها
واضايقت برضه للى حصلها وكنت على وشك التعارض مع ربنا
بان فى بنات كتير اوووى مقضينها وعايشين تمام اشمعنا بقى نضال حد كويس ومحترم وملهاش فى مشاكل ولا فى حوارات يحصلها كده ليه
بس بعد ثوانى قولت استغفر الله العظيم بعد رد ساره عليا بان ربنا بيبتلى اللى بيحبهم
فقولت يبقى نضال اكيد تستحق الحب ده ... وربنا هيباركلها فيما بعد
_____________________________________________________________________________________
النهارده عرفت قيمه جمله الحمد لله ... انا ونضال وساره قولناها كتييير اوى تقريبا كنا بنقولها كل دقيقه سواء واحنا عند نضال فى الزياره او واحنا رايحين لها او واحنا مروحين البيت
احساس حلو انك تكون بتحمد ربنا اوووووووى مش بس وقت الفرح لا وقت الشده لان ناس كتييير اوى الشده بتنسيها ربنا ويتخليها تعارضه زى ما كنت انا هعمل النهارده
بس حلو انك تحس بلطف ربنا وتحس باسمه ( اللطيف ) ونقول قدر ولطف ونقول الحمد لله على اى حاجه مهما كانت
نضال علمتنى قيمه الجمله دى الحقيقه ... وعقبال ما تقوم بالسلامه وتقرى التوبيك ... فانا بشكرها قصادكوا على انها علمتنى معنى الجمله دى
__________________________________________________________________________________________
بابا جابلى موبايل جديد فرحت جدا بيه شكله بناتى اوى ولطيف وخفيف وزى الفل
بدأت انقل الاسماء من الموبايل القديم للجديد
ونقلتها بطلوع الروح
افتكرت الرسايل ... ومعرفش ازاى بتتنقل
كنت عايزه اقول لبابا رجع الموبايل انا هقفل بالموبايل القديم بس علشان الرسايل اللى فيه
بس استسلمت للامر الواقع وابتديت امسح الرسايل من الموبايل القديم علشان لو بابا هيديه لحد ولا حاجه
احساس بجد مؤلم وانا بشيل الرسايل وبمسحها
وكان اخر رساله وصلتلى كانت مهمه اوووى عندى من شخص معين وكان رد على رساله منى ليه بعتها بليل وشافها اول ما صحى علشان يصلى الفجر
اتبسطت اووووى انه شافها اول ما صحى مش صوت الموبايل صحاه واقراها وهو نايم او كده
الرساله عامتا كانت محاوله منى انى اديله باور لحياه وشغله وعلشان يحل شويه المشاكل اللى عنده ودفعه ليه بانه اقوى من اى حاجه مهما كانت
بجد حسيت روحى بتتسحب منى او ذكريات من حياتى بتتلاشى
فى كل رساله فى رسايل موبايلى ذكرى حلوه ... وحشه .... ايا كانت بس بجد حسيت ان ذكرياتى بتتمحى بسرعه الصاروخ
كان نفسى ابعت لكل حد باعتلى رساله اقوله ابعتهالى تانى الاهي يباركلك
وتحول الفرح بالموبايل الجديد لحزن فظيييع على الرسايل اللى ضاعت للاسف ومعاها ذكريات حلوه ورسايل من ناس وايام بالدنيا كلها ما فيها
محدش يطلعلى بقى يقولى ان فى حل انى انقل الرسايل من الموبايل القديم للجديد علشان ميجليش شلل لانى خلاص مسحتهم
_______________________________________________________________________________________
احساسى بانى امتلك الذكاء الخارق والفظيع بانى اخلص وانجز اى ماده عملى فى توقيت الفيمتو ثانيه
مخلينى مكبره للمذاكره جدااااااا ... وشكله هيجى على دماخى فى الاخر
____________________________________________________________________________________
فرحانه جدا بكورس الانجليزى اللى بقيت باخده احساس حلو انك بتتعلم حاجه جديده
واحساس سيئ بان اللى كنت بتتعلمه ده كان انجليزى فلاحين مش لغه انجليزيه
وقعدت اسمع امبارح اغانى اجنبى لاول مره فى حياتى وكنت فاهمه اخيرا واتفكت عقدتى
رغم انى فى كميه مشاحنات ظهرت فى الكورس بين الاشخاص
بس ما علينا
_________________________________________________________________________
رغيت كتير انا باين
خير خير
ربنا يستر
كل سنه وانتم طيبين
سنه سعيده عليكوا يارب
هو انا مفروض هكتب عن كذا حاجه فى بعض وكنت هعمل لكل واحد موضوع بس مش ينفع علشان القوانين فعمل خودعه كده صغيره وهكتب كذا موضوع فى موضوع واحد
بغيظ جنى اه
ركزوا بقى
النهارده الحقيقه يوم من الايام الغريبه العجيبه جدااااااااااااا لدرجه فظيعه فظاعه الدنيا
اولا صحيت على كوابيس وكابوس منهم كنت حلمت بيه قبل كده وبصى حاسه بوجع فى جسمى كله وفى عينى وجع فظيع
كنت ممكن اتشائم من الاول اليوم واقول خلاص بقى اقعد فى بيتنا يا بت يا بسنت احسن بس قررت انى اتحدى الكوابيس واصحى واظبط يومى
_________________________________________________________________________________
ثانيا بقى النهارده قابلت ساره مصطفى انا وساره يمكن مش اصدقاء نهائى يعنى ينفع يطلق علينا معرفه او بينا صديق مشترك ومكلمناش غير مرتين تقريبا على الميل ولا يتعدوا الربع ساعه
اتبسطت انى شوفتها واكتشفت انها قدى لا وكمان فى نفس جامعتى يعنى عيب اننا مش نعرف بعض
بنوته محترمه وعثوله انا استمتعت بالوقت جدااااااا معاها
وكنت عايزه اكمل بقيت التوهان الفظيع اللى توهناه فى شوارع القاهره بسببى بس علشان اكمل معاها الطريق واقعد معاها وقت اطول
______________________________________________________________________________________
نضال بقى ... نضال برضه معرفتى بيها زى معرفه ساره بالظبط معرفهاش وعمرى ما شوفتها ولا بنتكلم على الميل
وفرحت جداااااااا انى شوفتها وزورتها لانها الحقيقه تستحق ان الناس تقدرها وتحترمها
واضايقت برضه للى حصلها وكنت على وشك التعارض مع ربنا
بان فى بنات كتير اوووى مقضينها وعايشين تمام اشمعنا بقى نضال حد كويس ومحترم وملهاش فى مشاكل ولا فى حوارات يحصلها كده ليه
بس بعد ثوانى قولت استغفر الله العظيم بعد رد ساره عليا بان ربنا بيبتلى اللى بيحبهم
فقولت يبقى نضال اكيد تستحق الحب ده ... وربنا هيباركلها فيما بعد
_____________________________________________________________________________________
النهارده عرفت قيمه جمله الحمد لله ... انا ونضال وساره قولناها كتييير اوى تقريبا كنا بنقولها كل دقيقه سواء واحنا عند نضال فى الزياره او واحنا رايحين لها او واحنا مروحين البيت
احساس حلو انك تكون بتحمد ربنا اوووووووى مش بس وقت الفرح لا وقت الشده لان ناس كتييير اوى الشده بتنسيها ربنا ويتخليها تعارضه زى ما كنت انا هعمل النهارده
بس حلو انك تحس بلطف ربنا وتحس باسمه ( اللطيف ) ونقول قدر ولطف ونقول الحمد لله على اى حاجه مهما كانت
نضال علمتنى قيمه الجمله دى الحقيقه ... وعقبال ما تقوم بالسلامه وتقرى التوبيك ... فانا بشكرها قصادكوا على انها علمتنى معنى الجمله دى
__________________________________________________________________________________________
بابا جابلى موبايل جديد فرحت جدا بيه شكله بناتى اوى ولطيف وخفيف وزى الفل
بدأت انقل الاسماء من الموبايل القديم للجديد
ونقلتها بطلوع الروح
افتكرت الرسايل ... ومعرفش ازاى بتتنقل
كنت عايزه اقول لبابا رجع الموبايل انا هقفل بالموبايل القديم بس علشان الرسايل اللى فيه
بس استسلمت للامر الواقع وابتديت امسح الرسايل من الموبايل القديم علشان لو بابا هيديه لحد ولا حاجه
احساس بجد مؤلم وانا بشيل الرسايل وبمسحها
وكان اخر رساله وصلتلى كانت مهمه اوووى عندى من شخص معين وكان رد على رساله منى ليه بعتها بليل وشافها اول ما صحى علشان يصلى الفجر
اتبسطت اووووى انه شافها اول ما صحى مش صوت الموبايل صحاه واقراها وهو نايم او كده
الرساله عامتا كانت محاوله منى انى اديله باور لحياه وشغله وعلشان يحل شويه المشاكل اللى عنده ودفعه ليه بانه اقوى من اى حاجه مهما كانت
بجد حسيت روحى بتتسحب منى او ذكريات من حياتى بتتلاشى
فى كل رساله فى رسايل موبايلى ذكرى حلوه ... وحشه .... ايا كانت بس بجد حسيت ان ذكرياتى بتتمحى بسرعه الصاروخ
كان نفسى ابعت لكل حد باعتلى رساله اقوله ابعتهالى تانى الاهي يباركلك
وتحول الفرح بالموبايل الجديد لحزن فظيييع على الرسايل اللى ضاعت للاسف ومعاها ذكريات حلوه ورسايل من ناس وايام بالدنيا كلها ما فيها
محدش يطلعلى بقى يقولى ان فى حل انى انقل الرسايل من الموبايل القديم للجديد علشان ميجليش شلل لانى خلاص مسحتهم
_______________________________________________________________________________________
احساسى بانى امتلك الذكاء الخارق والفظيع بانى اخلص وانجز اى ماده عملى فى توقيت الفيمتو ثانيه
مخلينى مكبره للمذاكره جدااااااا ... وشكله هيجى على دماخى فى الاخر
____________________________________________________________________________________
فرحانه جدا بكورس الانجليزى اللى بقيت باخده احساس حلو انك بتتعلم حاجه جديده
واحساس سيئ بان اللى كنت بتتعلمه ده كان انجليزى فلاحين مش لغه انجليزيه
وقعدت اسمع امبارح اغانى اجنبى لاول مره فى حياتى وكنت فاهمه اخيرا واتفكت عقدتى
رغم انى فى كميه مشاحنات ظهرت فى الكورس بين الاشخاص
بس ما علينا
_________________________________________________________________________
رغيت كتير انا باين
خير خير
ربنا يستر
كل سنه وانتم طيبين
سنه سعيده عليكوا يارب