أنـا " خـايفـه " !

انا كتبـت رد طويل عريض بس حسيتـه ممكـن يزعـل ناس هنا

اختصـار للكـلام ياريـت كل طـرف من الطرفيـن يفــــــــهم ان الى حصـل

اذى الاتنيـن مش بس طـرف و لو حصـل تدخـل اجنبـى

زى ما شاف شوية متخلفيـن عقليـا على الفيس بـوكـ بيطلبـو كـدا

الكـل هيتأذى مسـلم و مسيحـى الناس دى مفكـرة ان كلمـة تدخـل اجنبـى سهلـة و عـادية !

و الله ما هيبقـى حد قلبـو على التانـى غيرنـا و لو حصلـت حاجـة الكـل هيتاخـد فى الرجليـن

انا مش متخيـل الناس الى بتقـول عايزيـن حـل من بـرا دول

عايزيـن ايه ؟!

امريكـا مثلا تيجى تجبلكـ حقـكـ هنـا بجـد انتا انسـان غلبـان كانت جابت حـق شعبـها الى مات فى تفجيـرات 2001

من القـاعدة ولا من اسامـة بن لادن الى بقـى عامل زى الشبـح


كـلامك يحـسس الواحـد بالمـراره و الله يا مـروة من شوية قريت خبـر بيقـولو مسيحيـن اعتـدو على شيـخ الازهـر

و المفتـى و هما رايحيـن يعـزو البابا فى الكاتدرائية فى العباسيـة

مش فاهم اما هيضربـوهم كـدا هيرتـاحو ولا هتبـرد النار ولا ايه واحد رايح يعـزى اضرب و اتكسرت عربيتـه

الى حصل ميرديش حـد بس الى بيحصـل و ممكـن يحصـل بسبب الفتنـة هنـروح كلنا فى الرجليـن فيـه
جرى اية مصر هتفضل مصر

مسلم مسيحى مسيحى مسلم مانبنشالش

بنحترم بعض بقدم اية ليك وقدم اية لمصر

اى حد مش عجبوا توقيع الهلال والصليب يخبط دماغوا فى الحيط

احنا مصر مسلم ومسحيين اللى مش عجبوا وعايز غير كدة يشوفولوا حيطة تكون عريضة

او يشرب من البحر

واللى حصل ولا هياضر علينا وزى مالكنيسة اضرر برضوا الجامع اتبهدل

مش لوحدهم وكلنا مع بعض احنا واحد

دينك بينك وبين ربك ومعاملت مع الناس هى دى الدين ...
الواحـد مايقـدرش يلـوم على حـد ..

لان اللي بيموتلـه حد من أهلـه بدون سابق انـذار الصدمـة بتكـون كبيـرة عليـه و ردود فعلـه بتبقـى فيهـا نوع من اللاوعـي ..

ما بالكـ ان اللي اتوفـى ده مـات بطريقـة فيهـا غـدر ومش آدميـة أصـلاً ..

أول ماسمعت الخبـر جـالي حـالة من الصدمـة و كنت مذهولـة من منـاظر الدم و الجثث .. دمي اتحـرق بطريقـة مش طبيعيـة فعـلاً ..

كون ان حـد يزعـل فيهـم او يتخنـق أو ... أو ... كلهـا ردود أفعـال طبيعيـة و المفـروض الواحـد يستحمـل ويحـط نفسـه مكـان الآخريـن لان الواحـد وقت غضبـه مابيعرفش هوة بيقول ايـه ..

لكـن اللي بيضايقنـي حـاجة واحـدة بس ..

كـل ماتحصـل مصيبـة عندنـا أو كـارثـة تلاقي فئـة غبيـة جداً من الشعـب طلعت تطالـب بتدخـل أجنبـي عشـان يصلـح حـال البلـد !

يعنـي دي مش أول مـرة نشـوف حـد بيتكـلم وبيطلب كـدة ..

قبلهـا كـان فـ الانتخـابات اللي اتزورت و قبلهـا فـ قضيـة خـالد سعيـد وحـاجـات كتيـرة بـردو من قبلهـم ..

اهـي الفئـة دي هيـة اللي هتودي البلـد كلهـا فـ داهيـة ومش هيسكتـوا غيـر لمـا يلاقـوا مصـر انتهـت زي العراق بالضبـط ..

مـاحدش بيتعـظ ولا بيتعلـم من كوارث غيـره ولا السيناريوهـات اللي بتحصـل ..

ومـاحدش هيخـاف ع البلـد دي غيـر ولادهـا ..

بس بنطلـب شويـة عقـل فـ الموضـوع و تـروي وهدوء شويـة لحـد ما الأمور تبقـى طبيعيـة ..

النظـام محتـاج يتغيـر ؟؟ أكيـد محتـاج يتغيـر لان طول ماحنـا تحت رحمتـه هتفضـل الكوارث دي بتحصـل ..

بس التغييـر مش عـاوزينـه من حد غريب ولا حد مش من ولاد البلـد دي ولا عاش فيهـا وشاف معـاناة الناس ..

اللي هيمسكـ مصـر بعـد مباركـ هيلاقيهـا خربـانة من كـل نـاحية ومش بسهولة أبـداً الوضـع يتصلـح ..

المسؤوليـة عليـه هتبقـى صعبـة وتقيـلة ومش هيستحمـلهـا خصوصـاً ان فيـه خونـة كتيـر مش عـاوزين مصـر تبقـى كويسـة ..

ربنـا يستـر بجـد ..

بخصـوص التوقيع و صـور الفيس بوكـ .. النـاس حطت رمـز الهـلال مع الصليـب كـرمز للوحـدة الوطنيـة ..

واننـا كمسلميـن حاسيـن بالمصيبـة اللي حصـلت وقلوبنـا حقيقـي اتوجعـت زي اخوانـا بالضبـط ..

حرام ومش حرام وتخـرج الواحد من ملـته ده كلـه كلام مايدخلـش العقـل !

ماحدش دخـل قلوب الناس وعرف نيتهـا ايـه ..

خللي اللي يتكـلم يتكـلم مع نفسـه وحسابـه على ربنـا عشـان بيكفـر الناس بدون وجـه حـق !!

مابحبش خلط الأوراق ولا التعميم
لما تحصل للمسلم مصيبة يقولك المسيحين ونظرية المؤامرة
ولما تحصل للمسيحي مصيبة يقولك المسلمين ونظرية المؤامرة
وده لأننا طول الوقت كنا بنضحك على نفسنا بشعار الوطنية
مع ان جوانا كل واحد فينا بيعامل التاني على اساس ديني ومن هنا تيجي العنصرية وتظهر الأقلية !!!

ردود الأفعال مع الغضب طبيعي تكون حادة في البداية وغير محسوبة
بس مع الوقت لازم الواحد يهدى ويفكر كويس عشان يعرف يوزن كلامه وافعاله
لأن الغلطة وان كانت صغيرة فهي شرارة .. والفتنة نار لعن الله موقظها ..

بالنسبة بقى للناس اللي بتحب تفتي وتقولك حلال وحرام
قوليلهم انا اللي هتحاسب مش انتم .. وانما الأعمال بالنيات
ياريت الوقت ده بالذات يسكتوا تماما ومانسمعش ليهم حس
عشان كفايانا جهل بجد الواحد زهق اوووي من الناس دي ..