مـا بيـن البـلاء و الابتــلاء .. !

من الطبيعـي جـداً .. ان لمـا تحس ان حـاجة بتهـدد حيـاتكـ تبـتدي تخـاف وتقـلق و ماتقـدرش تتمـالكـ أعصابكـ ..

هتبـدأ تـاخد احتيـاطـاتكـ فـ الصغيـرة والكبيـرة ..

دي حيـاتكـ وهتبقـى مسؤول عنهـا قدام ربنـا ..

و من الطبيعـي بـردو .. لمـا تحس بنفـس الخطـر على حيـاة حـد من أسرتكـ اللي انت مسؤول عنهـم ..

هتـاخد احتيـاطـات أكبـر و أكبـر .. أكتـر بكتيـر من اللـي كنت واخدهـا لنفسكـ ..

لمـا بتبقـى طـالع فـ مهمـة عمـل مع مجمـوعة ..

المجمـوعة بيبقى ليهـا قـائد .. مهمتـه التوجيـه و المحافظـة على اللي معـاه ..

بمـا انـه بيتحاسب على كـل صغيـرة وكبيـرة .. فـ لازم طبعـا هيـاخد حـرصه واحتياطـاته فـ كـل خطوة عشان يقـدر يحمي المتبوعين اللي معـاه ..

الغريـب .. انكـ يجيلكـ أكتـر من تهديـد .. وتصـرف نظـر عن الموضـوع وانت عـارف حجـم الكـارثة و ان التهديـد احتمـال يقـع بنسبـة 90 % !!

ماتهتمش .. ماتاخدش احتياطـات .. ولا تعمـل اعتبـار !!

استهتـار .. !!

اللي حصـل .. محـافظ الاسكنـدرية بعد الحـادث .. يطـلع و يصـرح انه جـاله تهديدات من القاعدة " المزيفـة " .. بإن هتحصـل تفجيرات يوم 1/1/2011 ..

بدايـة السنـة الجديـدة .. يـوم عيـد .. تجمـعـات كبيـرة طبعـاً .. نـاس خـارجة من بيوتهـا رايحيـن يصـلوا .. أكيـد كـل عيلـة بتبقـى نازلة بما فيهم كبـار وستات و أطفال ..

ولمـا حضـرتكـ جالكـ تهديدات زي دي .. ماخدتهاش ليه على محمل الجد و عملت احتياطات أمنيـة ؟!!

نسميـه قصـور ؟! نسميـه غبـاء ؟! نسميـه استهتـار ؟! وللا نسميـه ابتـلاء وربنـا بيبتلينـا بيـه ؟!

يعنـي جقيقـي مش قـادرة أترجم ولا ألاقيلهـا تفسيـر ان ناس يبعتولك تهديدات فـ وقت زي ده و انت عارف انها حصلت قبل كدة وتفضل واقف تتفرج ومستني ان التهديد يتنفذ !!

كنت متوقـع انهـم بيهزروا معـاكـ ؟! وللا انت حابب تلعب معـاهم استغمايـة وبعد مايحصل الحادث تفضـل تجري وراهم عشان تمسكـهم ؟!!!

بجد بجـد .. حـاجة تحـرق الدم ..

وتتعـب الأعصـاب ..

وتخللـي الواحـد مايحسش بأمـان وهوة ماشي فـ بلـده .. نتيجـة انه قاعـد تحت حمايـة شوية ناس مابتحسش ولا عندها عقل ..

وهوة من امتى أصلاً فيـه مسؤول فـ البلـد دي بيحس بالناس اللي عايشـة فيهـا ولا بيهتـم أصـلاً !!

عادل لبيب زعلان ومصدوم قوي ان العربيـة اللي اتسببت فـ الحادثة مكتوب عليهـا " البقيـة تأتي " !!

طب ماهو طبيعي ان اللي عمل كـدة وشاف كم التخلف واللا مبالاة دي يفكر يعمل كدة مرة واتنين وتلاتة !!

ربنـا يرحمنـا ويصبـرنـا على الابتـلاء اللي ابتلـى الشعب المصـري بيـه من مسؤولين ماعندهمش أدنى احساس بالمسؤوليـة ولا بمعانـاة الناس ولا خوف من حسـاب اللي خلقهـم ..

وربنـا يصبـر أهـالي النـاس اللي اتوفـت .. ويحمـي البـلـد دي من الكوارث والمصايب اللي نازلة ورا بعضهـا ومصممـة تلعب على وتـر واحـد ..