عمرو دياب ;صورة من ألبوم ;بناديك تعالى;
بعد طرح مقتطفات قصيرة من أغاني ألبوم "بناديك تعالى" للمطرب الكبير عمرو دياب كـ"كول تونز" Call Tones، رفض عادل حقي موزع الألبوم أن يحكم أي شخص على الألبوم قبل سماع الأغاني كاملة، كما أعلن عن كل توزيعات أغاني الألبوم.
كتب حقي على صفحته الرسمية بالموقع الاجتماعي الشهير FaceBook: "تسمحولي اقول رأيي؟ انا سمعت السامبلز النهاردة وبجد أنا نفسي مش فاهم التوزيعات من الكواليتي، حاجة تخض بجد ههههههه".
تابع: "نستني كدة ونبقي هاديين لحد ما الالبوم ينزل ويكسر الدنيا بكل تأكيد وثقة، بس بجد بلاش نفتي ونقول كلام لمجرد إثبات الوجود أو الفزلكة".
وعن توزيعات أغاني الألبوم كتب:
1- "بناديك تعالى": هاوس، من كلمات تامر حسين وألحان عمرودياب.
2- "هالله هالله": ريجاتون، من كلمات تامر حسين وألحان عمرو مصطفي رؤية موسيقية ومشاركة في الألحان عمرودياب.
3- "مقدرش أنا": مقسوم، من كلمات تامر حسين وألحان عمرو طنطاوي.
4- "ألومك ليه": مودرن بوب روك، من كلمات أيمن بهجت قمر وألحان عمرو دياب.
5- "معاك برتاح": دانس هاوس، من كلمات أمير طعيمة وألحان أحمد صلاح حسني وعمرو دياب.
6-"ياريت سنك": كيوبان موتونو بوب، من كلمات بهاء الدين محمد وألحان عمرو دياب.
7- "مالي عينيا": ميديترينيان جريك مقسوم، من كلمات تامر حسين وألحان عمرو دياب.
8- "هي حياتي": لاتين هاوس، من كلمات مجدى النجار وألحان عمرو دياب.
9- "يوم ما اتقابلنا": رومانتيك سلو، من كلمات تامر حسين وألحان عمرو دياب.
10- "أغلى من عمري": كونتيربوراري ديسكو، من كلمات مجدى النجار وألحان عمرو دياب وعادل حقي.
11- "عارف حبيبي": لاتين سلو، من كلمات أيمن بهجت قمر وألحان عمرو دياب.
12- "تجربة وعدت": هاوس إليكترو، من كلمات مجدى النجار وألحان عمرو دياب.
وبعدما تفاجيء الجمهور أن أغنية "تجربة وعدت" ليست بإيقاع بطيء، أوضح حقي وجهة نظره كاتبا: "مين قال تجربة وعدت كلام حزين؟ بالعكس كلامها بيصور الحالة اللي احنا فيها، وبتقول (بالعربي محدش يستاهل)، ليه لازم الكلام التقيل او حتي الحزين يبقي دراما ونكد؟؟؟".
تابع: " زي ما الأغاني الدينية كلها دفوف وارتام بطيئة وأصوات جهورة وترعب!!! ليه؟؟؟؟ كفاية نفكر بنمطية وفكر محدود، كفاية بقي المعادلة الخايبة بتاعة المطربين الجهلة اللي يقوللك الشريط ٣ مقسوم، ٢ دراما، ٣ ستيل وواحدة مقسوم هوانم!!!! ومعاهم بيبسي وبطاطس!!!! لازم يكون فيه فكر".
وعن تنوع التوزيعات في الألبوم، كتب: "هو الألبوم الصيفي بيبقي نص كم و قطن مصري طويل التيلة؟ والألبوم الشتوي بيبقي صوف العسكري وبكم طويل؟ ياريت نبطل نحط كل حاجة في خانات عقيمة وبلا فكر، الألبوم الناجح صيفي وشتوي وخريفي وربيعي ويعيش سنين طويلة في ذكرى الناس، الموسيقى موسيقى الروح والجسد".
يذكر أن الألبوم سيتم طرحه في الأسواق في نهاية سبتمبر 2011.