قدر موقع ofann انه يوصل لاول صورة من كواليس فيلم احمد عز الجديد "حلم عزيز" واللي بدأ تصويره من كام يوم في فيلا علي طريق مصر اسكندرية الصحراوي واكد المخرج عمرو عرفة ان الفيلم بيقدم رسالة مهمة جدا وهو انه الناس تاخد بالها من رجال الاعمال اللي ظهروا بعد الثورة وده لان الفيلم بيتكلم عن نموذج لراجل من رجال الاعمال وعلاقته بالمجتمع من حواليه وانه حيقدمه بشكل جديد علي الجمهور وحيقدم فيه عز بشكل مختلف ماشي مع اليومين دول .. وقال " الفيلم حيكون فيه مفاجآت كتيرة لانه بيتكلم عن حاجات حصلت وقت الثورة الناس مش واخدين بالهم منها ده غير انه فيه رسالة مهمة جدا ولكن في شكل كوميدي اجتماعي باتمني انه يوصل للناس".ومن ناحية تانية اكد " الفيلم حيتصوير في شهرين تقريبا حيتصور فيهم بين فيلا بطريق مصر اسكندرية الصحراوي وشوارع القاهرة وبلاتوهات مدينة الانتاج الاعلامي ".
اما مؤلف الفيلم نادر صلاح الدين فقال ان الفيلم نموذج لرجل من رجال الاعمال زي كتار من اللي ظهروا بعد الثورة عن طريق واحد اسمه عزيز واللي بيقدمه احمد عز واللي بيستخدم كل الطرق الملتوية وغيرها عشان يحقق احلامه من غير مايبص علي مصالح بلده وده نموذج بقي موجود كتير في البلد ". . وبيشارك فى بطولة الفيلم الفنان شريف منير اللى بيقدم دور ابو أحمد عز، والوجه الجديد ميريت اللى بتقدم دور مرات عز، وصلاح عبدالله ومحمد عادل إمام وحورية فرغلى ومحمد الصاوى ورانيا منصور اللي بتقدم دور اخت أحمد عز، والفيلم إنتاج الشركة العربية للإنتاج والتوزيع السينمائى.
اما مؤلف الفيلم نادر صلاح الدين فقال ان الفيلم نموذج لرجل من رجال الاعمال زي كتار من اللي ظهروا بعد الثورة عن طريق واحد اسمه عزيز واللي بيقدمه احمد عز واللي بيستخدم كل الطرق الملتوية وغيرها عشان يحقق احلامه من غير مايبص علي مصالح بلده وده نموذج بقي موجود كتير في البلد ". . وبيشارك فى بطولة الفيلم الفنان شريف منير اللى بيقدم دور ابو أحمد عز، والوجه الجديد ميريت اللى بتقدم دور مرات عز، وصلاح عبدالله ومحمد عادل إمام وحورية فرغلى ومحمد الصاوى ورانيا منصور اللي بتقدم دور اخت أحمد عز، والفيلم إنتاج الشركة العربية للإنتاج والتوزيع السينمائى.