اكد كريم عبد العزيز ان قرار رجوعه للدراما من جديد مش بالسهولة اللى بيتخيلها الناس لأن الدراما مختلفة تماما عن السينما وقال " انا من 6 سنين اتفقت على أكتر من مسلسل تليفزيونى، ولكنى تراجعت فى اللحظات الأخيرة، لأن المسلسل بيأخد من 6 لـ 8 شهور تصوير، ودي فترة طويلة فى ظل ارتباطاتى السينمائية، وكنت بأبقي خايف من تأثير أى واحد منهم على التاني بشكل سلبي، ولكن المرة دي لقيت السيناريست بلال فضل كاتب عمل جيد، وكمان بيخرجه محمد على وهو مخرج متميز، وكمان فيه منتج بحجم وقيمة صفوت غطاس فكلها عوامل ساعدتنى كتير على الرجوع من جديد للدراما"..
كريم بيصور اليومين دول مسلسل "الهروب " في الحى الشعبى بمدينة الإنتاج الإعلامى لمع الفنانة دلال عبدالعزيز وعبدالعزيز مخيون وده كوضع مؤقت عشان يخلصوا تصوير مجموعة من المشاهد لحد ما ديكور إستديو مصر يتغير ويرجعوا ليه مرة تانية .مسلسل الهروب بيضم مجموعة من النجوم زى دلال عبد الغزيز،عبدالعزيز مخيون، مريم حسن،إيمان القاضى، رحاب الجمل، وكريم قاسم والمسلسل من إخراج محمد على ومن تأليف بلال فضل، ومن إنتاج شركة سبوت 2000 صفوت غطاس.
كريم بيصور اليومين دول مسلسل "الهروب " في الحى الشعبى بمدينة الإنتاج الإعلامى لمع الفنانة دلال عبدالعزيز وعبدالعزيز مخيون وده كوضع مؤقت عشان يخلصوا تصوير مجموعة من المشاهد لحد ما ديكور إستديو مصر يتغير ويرجعوا ليه مرة تانية .مسلسل الهروب بيضم مجموعة من النجوم زى دلال عبد الغزيز،عبدالعزيز مخيون، مريم حسن،إيمان القاضى، رحاب الجمل، وكريم قاسم والمسلسل من إخراج محمد على ومن تأليف بلال فضل، ومن إنتاج شركة سبوت 2000 صفوت غطاس.