السوبر ستار احمد حلمى هيعمل حفل توقيع كتابة الجديد خلال الاسبوع الجاى فى مكتبة الشروق ، مع العلم ان اخر الشهر اللى فات كان اعلن حلمى علي صفحته الرسمية على الفيسبوك إن كتابه الجديد "28 حرف" اللى من إصدارات دار الشروق نزل في المكتبات وده بعد فترة طويلة من التأجيلات بسبب الطباعة .
والحقيقة ان من ساعة ما حلمى اعلن عن انه هينزل كتاب و الدنيا اتقلبت و بدأ السؤال عن محتوى الكتاب يطرح نفسه فى عقول جمهوره ، خصوصاً و ان مفيش تفاصيل عن المحتوي تم الاعلان عنها ...و فى حركة كوميدية من حركات حلمي نزل أكتر من شكل لغلاف الكتاب منها واحد كان عليه جملة كتبتها لي لي بنته بتقول " يارب الكتاب يعجبكوا ياجماعة . لي لي أحمد حلم ".