4 يوليو استئناف الحكم بحبس عادل إمام

حددت المحكمة يوم 4 يوليو لنظر الحكم علي الفنان عادل إمام بحبسه 3 شهور بتهمة إزدراء الأديان، وكانت محكمة جنح الهرم حكمت علي عادل إمام بالحبس 3 شهور وكفالة 100 جنيه يوم 24 أبريل اللي فات بتهمة ازدراء الأديان في أعماله السينمائية والمسرحية، ورغم إن محامي الفنان قدم في دفاعه بإن الأعمال الفنية المتهم فيها واخدة تصريح من الرقابة وإن مفيش فيها أي ازدراء لأي دين إلا إن القاضي حكم عليه وده اللي خلي عدد كبير من جمهوره ومن الفنانين يحتجوا علي الحكم لإنه ضد حرية الإبداع، وفي نفس الوقت اسقطت محكمة العجوزة الدعوي المقامة علي عادل إمام والمخرج شريف عرفة والمؤلف وحيد حامد واخرون اللي كانوا متهمين فيها بازدراء الأديان في أعمالهم الفنية.