كان الفنان عمرو دياب أعلن من فترة إنه ناوي يصور أغنية ألومك ليه من ألبومه الأخير "بناديك تعالي" إلا إنه من يومين كتب علي حسابه الشخصي بموقع تويتر بإنه مش هيقدر يصور الأغنية بسبب ضيق وقته لأنه بدأ في التحضير لألبومه الجديد، وصرح بده في رد ليه علي أحد المعجبين "مبقاش عندي وقت كفاية عشان اصور كليب ألومك ليه، أنا دلوقتي شغال علي الألبوم الجديد".
وفي نفس الوقت بيستعد عمرو لحفلته الجديدة اللي هتكون يوم الجمعة الجاية في الجامعة الأمريكية بالقاهرة الجديدة، وطلب من جمهوره معرفة الأغاني اللي نفسهم يسمعوها منه في الحفلة.