علي الرغم من اعتذار الكينج محمد منير عن انه يقدم تترات اي مسلسلات السنة دي ومن بينها مسلسل كريم عبد العزيز الجديد " الهروب" الا انه اسرة المسلسل متمسكة جدا بأن صوت منير يبارك المسلسل ، وعشان كده قرروا انهم يختاروا اغنية " يا اهل العرب والطرب" عشان تكون تتر المسلسل وده بعد ما اتفقوا مع الكينج علي انهم يأخدوا الاغنية عشان تبقي التتر بعد ما رفض منير انه يسجل اغاني جديدة اليومين دول... واكد المنتج صفوت غطاس ان اغنية يا اهل العرب والطرب هي الاغنية المناسبة لاحداث المسلسل ".
المسلسل من بطولة كريم عبد العزيز ودلال عبدالعزيز وعبدالعزيز مخيون وأحمد وفيق وإيمان العاصى وكريم قاسم وتأليف بلال فضل وإخراج محمد على وانتاج صفوت غطاس .الجدير بالذكر أن مسلسل الهروب بيمثل عودة النجم كريم عبد العزيز للدراما التليفزيونية بعد ما غاب عنها لسنين طويلة في مسلسل امراة من زمن الحب سنة 1998 ومن المقرر عرض مسلسل الهروب في رمضان 2012.
وبيجسد كريم في المسلسل شخصية مهندس شاب بتصطدم أحلامه مع مصالح راجل من رجال الأعمال اللي بينجح في انه يعمله فخ بيخليه يقع في مشكلة مع الشرطة اللي بتتهمه بمحاولة اغتيال مسؤول كبير في الدولة وده بعد الاتهام وهببدأ في الهروب من بلدته لعدد من البلاد وده اللي بيخليه في حالة هروب مستمر لغاية مايثبت براءته إلا أنه اتفاجأ بمقتل شقيقه فبتزيد الأحداث سخونة .