محمد هنيدى خلص تسجيل مسلسله الاذاعى الجديد "رومانسية بالأرانب"واللي هيتذاع في رمضان الجاي وبيشارك في بطولة المسلسل هنا شيحا في اول لقاء ما بينهم ..المسلسل تأليف محمد سليمان عبد المالك وإنتاج خالد حلمي، ، وهيتذاع على إذاعة الشرق الأوسط" كل يوم الساعة 3 العصر وهيكون من ضمن مجموعة المسلسلات اللي بتقدمها الوكالات الإعلانية للإذاعة المصرية كل سنة في رمضان... يذكر ان هنيدي قدم السنة اللي فاتت مسلسل اذاعي كان اسمه "قلقان في مصر"مع الفنانة هند صبري وكان من إنتاج خالد حلمي برضه .
ومن ناحية تانية هنيدى بيصور فيلم سينمائى اسمه "تيتة رهيبة" مع الممثلة العملاقة سميحه ايوب وايمى سمير غانم وماجد الكدوانى ومن تأليف يوسف معاطى واخراج سامح عبد العزيز واللي بيتابع دلوقتي مونتاجه عشان يتعرض قريب .