قناة CBC اشترت حقوق عرض مسلسل 9 جامعة الدول حصريا عشان تعرض علي قناة CBC وCBC دراما في رمضان الجاي ، هي الوحيدة اللي قدرت انها تكسر الحصار اللي فرضه خالد صالح علي المسلسل من بداية التصوير من انه تطلع صورة واحدة منه وده لان خالد بيظهر فيه بلوك جديد ومختلف تماما عن الادوار والاعمال اللي قدمها قبل كده ، لانه السنة دي اعتمد انه يكون قريب للكوميدي الاجتماعي اللي بيعتمد علي كوميديا الموقف بشكل اكبر لانه بيقدم شخصية صاحب وكالة اعلانات ولكنه شخص هلاس وبتاع ستات لدرجة ان ابنه بيكتشف انه ليه اخوات من كل مكان في العالم وبتظهر مواقف كوميدية نتيجة الموضوع ده .. المسلسل تأليف فداء الشندويلي واخراج محمد مصطفي وبيشارك في بطولته بثينة رشوان وكريم محمود عبد العزيز ومشيرة اسماعيل ومريم حسن وسيد رجب و ايمان العاصي ومجموعة من الوجوه الجديدة