بعنوان "شهر رمضان ينتهى.. ومعه موسم المسلسلات الساخنة" نشر جرنال هآرتس الإسرائيلي إن مسلسل "فرقة ناجى عطا الله" اللى قام ببطولته الفنان عادل إمام، اللي بيقوم فيه بدور ملحق دبلوماسى مصرى عايش في تل أبيب وبيقول النكت علي نظيره الإسرائيلى وهو بيتكلم العبرية بطلاقة، مشيرة أن الملحق الدبلوماسى بيظهر فى المسلسل كأنه واحد من الإسرائيليين، فهو رجل بيقيم علاقات ودية مع بياع سمك وصاحب مطعم ووسيط عقارى يهودى ووكمان بيتعرف من بعيد لرؤساء جهاز الأمن الداخلى الإسرائيلى "الشاباك"، ده غير انه بيأخد الملحق الثقافى الجديد لسفارة القاهرة فى جولة وبيقوم بتعريفه اليهود وعاداتهم الغذائية.
وأشارت الصحيفة أن عادل إمام الفنان، والممثل المشهور اللى اتحول لأيقونة ثقافية، مش بيحب إسرائيل ومواطنيها، فاليهود بيظهروا فى مسلسله زي ما بيظهروا فى الرسوم الكاريكاتورية المعادية للسامية، ملتحين وحاطين شعر مستعار وليهم أنوف معقوفة،واكدت أن أحداث المسلسل بتدور عن الملحق الدبلوماسى اللى بيقرر الانتقام من تل أبيب بسرقة أكبر بنوكها .
اما جرنال "جيروزاليم بوست" الإسرائيلي قالت إن مسلسل "ناجى عطا الله" عمل قلق فى إسرائيل، لأنه مسلسل جاي من بلد من المفترض أنه يقيم علاقات سلام مع الدولة العبرية، وقال عوفير جندلمان، المتحدث باسم رئيس الوزراء الإسرائيلى بنيامين نتنياهو، لوسائل الإعلام العربية "المسلسل خلق عاصفة صغيرة فى مصر لأن دي أول مرة من سنين طويلة اللى يكون فيه رد فعل رسمى إسرائيلى على مسلسل من مسلسلات رمضان". وقال جندلمان "بنشوف كل المسلسلات اللى بتتكلم عن إسرائيل. ولما بنشوف ده من بلد عندنا معاه اتفاق سلام، بنحس أننا مضطرين للتعليق وبنشوف ان ده تقديم هزلى ومشوَّه وسلبى لليهود».
وأشار جندلمان كمان لالاف الأشياء اللي مش دقيقة اللى أزعجته، من العبرية اللى مش بيتم نطقها بشكل سليم، لمشهد لشرطة دينية على الطراز السعودى، عشان تستولى على قطع الجمبرى من أطباق رواد مطعم من المطاعم .
وبتشير الصحيفة أن حبكة المسلسل بتمتد للسياسة فى لبنان وسوريا والعراق، وبتحطم حدود اللي ممكن تصديقه، وبتغطى على الخطوط الفاصلة بين التعليق السياسى والسخافة المباشرة، على حد تعبيرها.
رابطة مكافحة التشهير، وهى من أبرز منظمات اللوبى الإسرائيلى فى الولايات المتحدة، دخلت على خط انتقاد المسلسل وقالت فى بيان إن المسلسل ده غير مجموعة تانية من المسلسلات فى رمضان مليان بالأفكار والمشاعر المعادية للسامية والكراهية لإسرائيل.
وقالت المنظمة إن مسلسل "فرقة ناجى عطا الله" مثلا يتضمن مشهد بيظهر فيه مدير البنك اليهودى وهو بيحاول أنه يخدع عطا الله فى وقت عدّ الأموال، ومشهد تاني بيقول فيه سائق السفارة المصرية إن "قلب الواحد بينطّ من الفرح" لما بيقع صاروخ جوه إسرائيل.