انا شفت حسن حسنى فى مطار السعوديه!!!!!!!!!!!

هاى



انا اسمى سالى وده اول اشتراك ليا فىمنتدى الفنان القدير والرائع الجوكر حسن حسنى



انا من شهر تقريبا كنت مسافرة للسعوديه وكده عشان الاقامه والكلام اياه ......

وبعد ماركبنا الطيارة ووصلنا وركبنا الباص اللى بيودى المطار وطبعا كالعاده بركب انا دايما فى اول باص وفى نفس الوقت بكون اخر واحده راكبه فيه عشان ابقى ادام الباب بحيث الحق الجوازات

واكون اول واحده انا انى بحكى قصه حياتى بس اصبروا الجاى هو المهم


حسن حسنى طلع انه كان معانا على نفس الطيارة بل وتفكيرةه كان زييى فهو دخل اول باص وكان اخر واحد راكب بعدى وكان قدامى على طول

طبعا يعنى انا مكنتش اعرف انه معانا على نفس الطيارة والا ماكنتش سيبتوا


المهم اول لما شوفتوا كان فى الباص سلمت عليه وواضح انه كان تعبان اوى ده حتى ماكانش

قادر يقول كلمتين على بعض وبصراحه حسن حسنى ليه شعبيه جامده فى السعوديه حتى ظباط

الامن السعوديين سلموا عليه وساعدوه وخلصوله على طول وكان اول واحد ماشى من المطار

وكل السعوديين اللى كانوا فى

المطار مبقاش على لسانهم سيرة غير حسن حسنى وكتير اوى منهم كلموه وسلموا عليه وهو كان عسول خالص

بصراحه انا فرحت اوى انه ليه شعبيه حلوة كده خارج مصر وبصراحه الفنان ده يستاهل اكتر من كده كمان


كان معاكم سالى


سلام